Página Inicial » Expozisaun iha Manatuto
Sekretáriadu Jerál Parlamentu Nasionál liu husi Grupo de Trabalhoda Celebraçao dos 20 Anos da Constituiçao da República de Timor-Leste organiza mini-seminariu no expozisaun, iha Munisipiu Manatuto hodi komemora tinan 20 Konstituisaun RDTL.
Tema jeral husi komemorasaun refere mak Konstrusaun Estadu Direitu Demokratiku no Dezenvolvidu iha Sosiedade ida Justa, Prospera no Fraterna hafoin tinan 20.
Seminariu ne’ebe realiza iha loron 29 fulan jullu tinan 2022, ne’e abertura husi Prezidente Autoridade Munisipiu Manatuto, Bernardo Lopes ho prezensa husi Vise- Prezidente Parlamentu Nasionál, Maria Angelina Lopes Sarmento, Deputadu Gabriel Soares, Deputada Maria Terezinha Viegas no Membru Asembleia Konstituinte sira hanesan Flavio Maria da Silva no Maria Tereza Lay, inklui Sekretáriu-Jerál Adjunto, João Rui Amaral ho nia ekipa.
Durante seminariu ne’ebe partisipa husi estudante sira, autoridade lokal, partidu politiku, reposavel liña ministerial sira ne’e ko’alia kona-ba esperensia elaborasaun no diskusaun Konstituisaun RDTL iha periodu Asembleia Konstituisaun no implementasaun lei inan ne’e rasik.
Entretantu materia hirak ne’ebe halo expozisaun mak hanesan dokumentu sira husi Asembleia Konstituinte nian inklui fotografia atividade membru Asembleia Konstituinte. FIM
